امریکی حملوں کا جواب ضرور دیا جائے گا، مشیر علی صفری

ایرانی وزارتِ خارجہ کے ترجمان کے مشیر علی صفری نے کہا ہے کہ امریکی حملوں کا جواب ضرور دیا جائے گا۔ایک بیان میں علی صفری نے کہا کہ امریکہ نے مفاہمتی یادداشت کے وعدے پورے نہیں کیے، آبنائے ہرمز کے انتظامات ایران کے اختیار میں ہیں، جنوبی بحری راستہ معاہدے پر عمل درآمد میں رکاوٹ بن رہا ہے۔انہوں نے کہا کہ امریکی دباؤ سے بحری سلامتی کو سنگین خطرات لاحق ہیں، جہازوں کو نیویگیشن بند کرکے گزارنا غیر ذمہ دارانہ اقدام ہے۔علی صفری کا مزید کہنا تھا کہ امریکہ معاہدے کا احترام کرے یا ذمہ داریوں سے دستبردار ہو، ایران توقعات سے زیادہ طاقتور اور ہر جنگ کیلئے تیار ہے۔