ویمنز ٹی ٹوئنٹی ایشیا کپ کا متحدہ عرب امارات میں ہونے کا امکان

ویمنز ٹی ٹوئنٹی ایشیا کپ کا متحدہ عرب امارات میں ہونے کا امکان ہے، ٹورنمنٹ میں شامل ٹیموں کو غیر رسمی طور پر تاریخوں سے آگاہ کیا گیا ہے۔کرکٹ ویب سائٹ کے مطابق ایشین کرکٹ کونسل کو ویمن ایشیا کپ کے وینیو اور شیڈول کا اعلان کرنا ہے، جس کا یو اے ای میں ہونے کا امکان ہے۔ویمن ایشیا کپ 8 ٹیموں پر مشتمل 28 اگست سے 13 ستمبر تک ہونے کا امکان ہے۔کرکٹ ویب سائٹ کے مطابق ویمنز ایشیا کپ میں پاکستان، سری لنکا، بھارت، بنگلادیش، نیپال، ملائیشیا، تھائی لینڈ اور یو اے ای کی ٹیمز شامل ہیں۔بھارتی کرکٹ بورڈ ویمن ایشیا کپ کے لئے اسکواڈ کا اعلان کر چکا ہے۔ ہرمن پریت کور کو بھارتی ٹیم کا کپتان برقرار رکھا گیا ہے۔