ایم کیو ایم رہنما ڈاکٹرعمران فاروق کی اہلیہ کی میت کراچی پہنچا دی گئی

مرحوم ایم کیو ایم رہنما ڈاکٹر عمران فاروق کی اہلیہ شمائلہ فاروق کی میت لندن سے استنبول کے راستے کراچی پہنچا دی گئی۔ کراچی ایئرپورٹ کے اولڈ ٹرمینل پر اس موقع پر شمائلہ فاروق کے بیٹے، ایم کیو ایم رہنما فاروق ستار، اراکینِ مرکزی کمیٹی، اپوزیشن لیڈر سندھ اسمبلی علی خورشیدی سمیت دیگر موجود تھے۔ شمائلہ فاروق کے بیٹے ایک روز پہلے لندن سے کراچی پہنچے تھے، شمائلہ فاروق کی نمازجنازہ آج دوپہر ادا کی جائے گی۔ شمائلہ فاروق کی نمازجنازہ میں گورنر سندھ کامران ٹیسوری بھی شرکت کرینگے۔