سیکیورٹی خدشات ہیں عدالت حاضر نہیں ہوسکتا، پیشی سے استثنیٰ دیا جائے، عمران خان کی عدالت میں درخواست

چیئرمین پی ٹی آئی عمران خان نے اسلام آباد ہائی کورٹ سے ممنوعہ فنڈنگ کیس میں کل حاضری سے استثنیٰ مانگ لیا۔عدالت میں حاضری سے استثنیٰ کی درخواست جمع کرائی دی گئی ہے۔

درخواست میں مؤقف اختیار کیا گیا ہے کہ عدالت نے 12 اکتوبر کو حفاظتی ضمانت منظور کرتے ہوئے اسپیشل جج سینٹرل کی کورٹ سے رجوع کرنے کی ہدایت کی۔عمران خان کی جانب سے درخواست میں مزید کہا گیا ہے کہ اسپیشل جج سینٹرل نے عبوری ضمانت منظور کر لی ہے۔درخواست میں استدعا کی گئی ہے کہ سیکیورٹی خدشات اور کسی ناخوش گوار واقعے سے محفوظ رہنے کے لیے حاضری سے استثنیٰ دیا جائے