عمران خان کی امریکی وفد اورامریکی ممبر پارلیمنٹ سےالگ الگ ملاقاتیں ،اچھے تعلقات کی خواہش کا اظہار

سابق وزیراعظم اور چیئرمین پاکستان تحریک انصاف عمران خان نے امریکی وفد سے ملاقات کی ہے، اس ملاقات میں امریکا کے ساتھ اچھے تعلقات رکھنے کی خواہش کا اظہار کیاگیا ہے۔امریکی وفد نے زمان پارک لاہور میں عمران خان سے ان کی رہائش گاہ پر ملاقات کی، امریکی وفد میں کیلی فورنیا پارلیمنٹ کے ممبر کرس ہولڈن، ممبر پارلیمینٹ وینڈی کیری لو، ممبر پارلیمنٹ مائیک گپسن، اور ممبر پارلیمنٹ ریزایلوئس شامل تھے۔عمران خان سے ملاقات کرنے والے وفد میں ڈاکٹر آصف محمود سمیت 4 پاکستانی نژاد امریکن شہری بھی شامل تھے۔وفد سے مختصر ملاقات کے بعد عمران خان نے امریکی ممبر پارلیمنٹ سے الگ ملاقات بھی کی، الگ ہونے والی ملاقات کے وقت ڈاکٹر آصف محمود بھی موجود تھے۔ ملاقات میں عمران خان نے مستقبل میں امریکا کے ساتھ اچھے تعلقات کی خواہش کا اظہار کیا۔