فیصل آباد میں پی ٹی آئی کارکنوں کا صحافیوں پر تشدد، تھپڑ مارے، مکے برسائے

فیصل آباد میں پی ٹی آئی رہنما فرخ حبیب کی موجودگی میں پی ٹی آئی کے کارکنوں کی جانب سے صحافیوں پر تشدد کیا گیا، انہیں تھپڑ مارے گئےاور مکے برسائے گئے۔پی ٹی آئی رہنما فرخ حبیب کی پریس کانفرنس کے دوران نعرے لگانے سےمنع کرنے اور کیمروں کے سامنے سے ہٹنے کا کہنے پر پی ٹی آئی کارکن آپے سے باہر ہو گئے۔فرخ حبیب کے روکنے کے باوجود کارکن باز نہ آئے تو صحافیوں نے فرخ حبیب کی پریس کانفرنس کا بائیکاٹ کر دیا اور جی ٹی ایس چوک پر احتجاج کیا، اس موقع پر پی ٹی آئی کے مشتعل کارکنوں نے صحافیوں کو تشدد کا نشانہ بنایا