شرم ہے نہ عقل: حنا پرویز بٹ کی رجب بٹ پر کڑی تنقید

پنجاب اسمبلی کی رکن حنا پرویز بٹ نے یوٹیوبر رجب بٹ پر سخت تنقید کرتے ہوئے ان کی حالیہ وائرل ویڈیو کو انتہائی شرم ناک قرار دے دیا۔سوشل میڈیا پر گردش کرنے والی ویڈیو میں رجب بٹ کو ایک ریسٹورنٹ میں کھانے کی ویڈیو بناتے ہوئے دیکھا جا سکتا ہے

ٹک ٹاکر رجب بٹ کی پبلک مقام پر ویڈیو نے نیا تنازع شروع کر دیا#aware_international #rajabbutt pic.twitter.com/ByztuMuQAW

— Aware International (@aware_official1) April 30, 2026

جہاں ان کے پیچھے بیٹھی ایک فیملی واضح طور پر غیر آرام دہ محسوس کر رہی تھی۔ویڈیو میں ایک خاتون کو کیمرے سے اپنا چہرہ چھپاتے اور رخ موڑتے دکھایا گیا ہے، جس پر سوشل میڈیا صارفین نے اس عمل کو مداخلت آمیز اور نامناسب قرار دیا ہے۔حنا پرویز بٹ نے ایکس (سابقہ ٹوئٹر) پر اپنے بیان میں کہا ہے کہ یہ انتہائی شرم ناک رویہ ہے، ان لوگوں میں نہ شرم ہے، نہ عقل، جہاں دل چاہتا ہے کیمرا نکال کر ویڈیو بنانا شروع کر دیتے ہیں، اس بات کی پرواہ کیے بغیر کہ آس پاس فیملیز بیٹھی ہو سکتی ہیں، افسوس کی بات یہ ہے کہ کچھ لوگوں کے لیے ایسے افراد ہیرو ہیںیہ تنازع ایسے وقت میں سامنے آیا ہے جب رجب بٹ پہلے ہی مختلف قانونی مسائل کا سامنا کر رہے ہیں۔ذاتی زندگی کے حوالے سے بھی رجب بٹ خبروں میں رہتے ہیں، جہاں 2024ء میں ایمان فاطمہ سے ہونے والی ان کی شادی رواں سال طلاق پر ختم ہو گئی۔ دونوں کے ہاں ستمبر 2025ء میں بیٹے کیوان سلطان کی پیدائش ہوئی تھی۔رجب بٹ نے مارچ 2026ء میں ایک پوڈکاسٹ میں علیحدگی کی تصدیق کرتے ہوئے طلاق کے کاغذات بھی بھیجنے کا بتایا تھا۔