سی سی پی او لاہور کاتبادلہ،پنجاب کا وفاق کو پھر انکار

وفاقی حکومت کی جانب سے تیسری بار کیپٹل سٹی پولیس آفیسر غلا محمود ڈوگر کی خدمات وفاق کو دینے کے احکامات کے باوجود پنجاب حکومت نے صاف انکار کردیا۔سیکریٹری سروسز پنجاب نے وفاق کو صوبائی حکومت کے فیصلے سے متعلق تحریری طور پر آگاہ کردیا ہےخط میں کہا گیا کہ غلام محمود ڈوگر کو وزیراعلیٰ پنجاب چوہدری پرویز الہٰی صوبے میں رکھنا چاہتے ہیں۔ذرائع کے مطابق پنجاب کی جانب سے سی سی پی او لاہور کی خدمات واپس کرنے سے وفاق کو تیسری بار انکار کیا گیا ہے۔گزشتہ روز خط کے ذریعے وفاق نے غلام محمود ڈوگر کو 3 دن میں اسٹیبلشمنٹ ڈویژن میں رپورٹ کرنے کا حکم دیا تھا۔

وفاق نے سی سی پی او لاہور کے تبادلے کے احکامات پر عمل کے لیے تیسرا لیٹر جاری کیا اور احکامات پر عمل نہ کرنے پر انضباطی کارروائی کی وارننگ دی