عثمان بزدار 19 مئی کو اینٹی کرپشن پنجاب میں طلب

اینٹی کرپشن پنجاب نے پاکستان تحریک انصاف کے سینئر رہنما اور سابق وزیر اعلیٰ پنجاب سردار عثمان بزدار کو 19 مئی بروز جمعہ کو طلب کر لیا۔ترجمان اینٹی کرپشن پنجاب کے مطابق 2018 کے عام انتخابات کے کاغذات نامزدگی میں عثمان بزدار کا ذاتی گھر اور پلاٹ 14 کنال اراضی تھا لیکن اقتدار سنبھالنے کے بعد سرکاری اراضی کے دو کنال کی جگہ کو ذاتی گھر کا حصہ بنا لیا گیا۔ترجمان کے مطابق سرکاری اخراجات سے واٹر سپلائی بور، پانی والی ٹینکی تعمیر، جنریٹر سرکاری خزانے سے لیا گیا۔اس سے قبل اینٹی کرپشن نے 12 مئی کو طلب کیا مگر سابق وزیراعلیٰ پنجاب پیش نہ ہوئے تھے۔