پی ٹی آئی راہنما اعظم سواتی کوجیل بھیج دیا گیا

قومی سلامتی کے داروں کے خلاف متنازع ٹویٹس کے کیس میں گرفتار پاکستان تحریک انصاف کے رہنما اعظم سواتی کو جوڈیشل ریمانڈ پر بھیج دیا گیا۔

اعظم سواتی کو ایک روزہ جسمانی ریمانڈ مکمل ہونے پر عدالت میں پیش کیا گیا، سینئر سول جج محمد شبیر نے کیس کی سماعت کی۔پراسیکیوٹر کی جانب سے اعظم سواتی کے 3 روزہ جسمانی ریمانڈ کی استدعا کی گئی

بابر اعوان نے دلائل دیتے ہوئے کہا کہ ابھی تک ایف آئی اے ٹوئٹ برآمد کرنے کی استدعا کر رہی ہے۔ انہوں نے کہا کہ اعظم سواتی کی انگلی پر زخم ہے اور فریکچر آیا ہے۔واضح رہے کہ گزشتہ سماعت پر ڈیوٹی مجسٹریٹ شعیب اختر نے اعظم سواتی کا ایک روزہ جسمانی ریمانڈ منظور کیا تھا