دریائے چناب میں پانی کے بہاؤ میں اضافہ،جھنگ میں ممکنہ سیلاب کے پیشِ نظر ہائی الرٹ جاری

دریائے چناب میں پانی کے بہاؤ میں اضافے کے بعدجھنگ میں بھی ممکنہ سیلاب کے خدشے کے پیش نظر ہائی الرٹ جاری کر دیا۔دریا کنارے آباد آبادیوں اورکاشتکاروں میں دریائی کٹاؤ کے باعث تشویش پائی جا رہی ہے،مقامی افراد کے مطابق دریائی کٹاؤ سے متعدد ایکڑ زرعی اراضی پہلے ہی دریا برد ہوچکی ہے،جس کے باعث مزید نقصان کا خدشہ بڑھ گیا۔انتظامیہ کےمطابق دریائے چناب کا سیلابی ریلا آئندہ 48 گھنٹوں کے دوران تریموں ہیڈورکس سے گزرنے کا امکان ہے،جس کے پیش نظر حفاظتی اقدامات مزید سخت کر دیے گئے ہیں۔