لاہور کے قریب کوئلے سے لدی مال گاڑی کی 16 ہوپر ویگنز پٹڑی سے اتر گئیں

وہاب شاہ ریلوے اسٹیشن کے قریب کوئلے سے لدی مال بردار ٹرین کی 16 ہوپر ویگنز پٹری سے اتر گئیں۔ریلوے حکام کا کہنا ہے کہ مال گاڑی کوئلہ لے کر کراچی سے یوسف والا آرہی تھی، حادثے کے باعث اپ اور ڈاؤن ٹریک پر مسافر ٹرینوں کی آمد و رفت معطل ہوگئی۔ ریلوے حکام کے مطابق حادثے میں کسی جانی نقصان کی اطلاع نہیں ملی، ریلوے کی ریسکیو اور انجینئرنگ ٹیمیں جائے حادثہ پر روانہ کردی گئی ہیں۔ حکام نے بتایا کہ اپ اور ڈاؤن ٹریک کی مسافر ٹرینوں کو مختلف ریلوے اسٹیشنز پر روک دیا گیا ہے