بسنت پر لاہور ہائیکورٹ اور پنجاب کی عدالتوں میں تعطیل بارے اہم فیصلہ

بسنت پر لاہور ہائیکورٹ اور پنجاب کی عدالتوں میں تعطیل بارے چیف جسٹس مس عالیہ نیلم کا اہم فیصلہ سامنے آگیا۔لاہور ہائیکورٹ اور پنجاب کی عدالتوں میں بسنت کے باعث عدالتی تعطیلات نہیں ہوں گی، لاہور ہائیکورٹ اور پنجاب کی عدالتوں میں 6اور 7 فروری کو معمول کے مطابق کیسز کی سماعت ہوگی، عدالتیں کھلی رہیں گی۔پنجاب حکومت کی جانب سے بسنت کی 6 اور 7 فروری کو پنجاب بھر میں چھٹی کا اعلان کیا گیا تھا۔پنجاب حکومت کے نوٹیفکیشن کے بعد لاہور ہائیکورٹ کی انتظامیہ نے چیف جسٹس لاہور ہائیکورٹ مس عالیہ نیلم کو عدالتیں دو روز بند رکھنے کی تجویز دی تھی۔چیف جسٹس مس عالیہ نیلم نے لاہور ہائیکورٹ کی انتظامیہ کی تجویز مسترد کر دی، چیف جسٹس عالیہ نیلم نے دو روز عدالتیں کھلی رکھنے کا فیصلہ کیا ہے۔چیف جسٹس مس عالیہ نیلم نے کہا کہ 6 اور 7 فروری کو لاہور ہائیکورٹ میں معمول کے مطابق کیسز کی سماعت ہوگی