باجوڑ میں قبائلی رہنماؤں پر ریموٹ کنٹرول بم سے حملہ، ایک شخص جاں بحق، ایک زخمی

باجوڑ میں ریموٹ کنٹرول بم دھماکے میں ملک یار خان جاں بحق ہوگئے جبکہ ملک روزی خان شدید زخمی ہوگئے۔بم دھماکا تحصیل برنگ کے علاقہ اصیل ترغاو میں پیش آیا۔ دھماکے کی آواز دور تک سنی گئی۔پولیس کے مطابق ریموٹ کنٹرول بم دھماکے میں قبائلی رہنماؤں کو نشانہ بنایا گیا۔بم دھماکے کے بعد پولیس نے موقع پر پہنچ کر شواہد اکٹھے کرکے تحقیقات شروع کردی ہے۔