سُسر کو مارنے کیلئے سرکاری افسر بہو نے ایک کروڑ کی سپاری دیدی

بھارتی شہر ناگپور کے علاقے بالاجی نگری میں سڑک پر چلنے والے 82 سالہ پوروشوتم پوتیور کو تیز رفتار کار نے کچل دیا تھا، اس حادثے میں شخص ہلاک ہو گیا تھا۔تاہم اب اس حادثے میں پولیس کی جانب سے مزید انکشافات کیے گئے ہیں، جس کے مطابق 82 سالہ شخص کو گاڑی سے کچلنے والے ڈرائیور بزرگ کو مارنے کے لیے سپاری دی گئی تھی، پولیس کے مطابق ہٹ اینڈ رن کیس میں بزرگ کی بہو کو حراست میں لیا گیا ہے۔اگرچہ حادثے میں ملوث گاڑی کے ڈرائیور کو ضمانت پر رہائی مل گئی، تاہم بہو ارچنا، اس کے ساتھ سارتھک باگڑے اور دھارمک کو گرفتار کر لیا گیا ہے۔جبکہ پولیس کے مطابق ارچنا نے 300 کروڑ کی جائیداد کی خاطر اپنے سسر کو سپاری دلا کر قتل کرا دیا ہے، ذرائع کے مطابق خاتون نے سسر کو قتل کرانے کے لیے 1 کروڑ کی سپاری بھی دی تھی۔پولیس کے مطابق ارچنا کے ساتھی دھارمک نے 40 ہزار روپے اور بھاگڑے نے 1 لاکھ 20 ہزار بھارتی روپے کے عوض سیکنڈ ہینڈ کار خریدی تھی، جس کی مدد سے سسر کو کچلا گیا۔پولیس کے مطابق دھارمک نے ارچنا سے 3 لاکھ روپے لینے کا اعتراف بھی کر لیا ہے، جبکہ پولیس نے دھارمک کے گھر سے رقم بھی برآمد کر لی ہے۔کرائم برانچ نے ارچنا کو 6 جون تک کسٹڈی میں رکھا تھا، تاہم کورٹ کی جانب سے 3 دن کا ہی ریمانڈ دیا گیا تھا۔ کیس میں پولیس کی جانب سے تحقیقات جاری ہے۔جبکہ ارچنا جو کہ ٹاؤن منصوبہ بندی کی اسسٹنٹ ڈائریکٹر ہیں، قانونی طور پر مشکلات کا شکار ہیں۔