باجوڑ میں انسداد پولیو مہم کے دوران پولیس اہلکار پر فائرنگ

خیبرپختونخوا کی تحصیل ماموند میں انسداد پولیو مہم کے دوران پولیس اہلکار پر نامعلوم افراد نے فائرنگ کردی، جس سے ڈیوٹی پر مامور اہلکار اعظم خان زخمی ہوگیا۔پولیس ذرائع کے مطابق باجوڑ میں انسداد پولیو مہم کے دوسرے روز تحصیل ماموند کے علاقے کٹکوٹ میں ڈیوٹی پر تعینات پولیس اہلکار پر نامعلوم مسلح افراد نے فائرنگ کی۔فائرنگ کے نتیجے میں زخمی ہونے والے پولیس اہلکار کو فوری طور پر ڈی ایچ کیو اسپتال منتقل کیا گیا۔پولیس اہلکار پر فائرنگ کے بعد نامعلوم حملہ آور جائے وقوع سے فرار ہوگئے۔واقعے کے بعد پولیس نے علاقہ کو گھیرے میں لے کر ملزمان کے خلاف سرچ آپریشن شروع کیا۔