عیدالفطر پر عمران خان نماز عید کہاں پڑھیں گے؟ ملاقاتوں اور کھابوں کا شیڈول طے

اڈیالہ جیل میں قید سابق چیئرمین پی ٹی آئی عمران خان کو عیدالفطر کے موقع پر نماز عید پڑھنے اور گھر سکھانے منگوانے کی اجازت دے دی گئی ہے جبکہ اس موقع پر پی ٹی آئی رہنماؤں اور بشریٰ بی بی سے عمران خان کی ملاقات اور ویڈیو کال کی سہولت بھی دئیے جانے کا امکان ہے، جیل ذرائع کے مطابق عمران خان اڈیالہ جیل میں ہی سخت سیکورٹی میں نماز عید ادا کریں گے اور انکی خواہش کے مطابق انہیں قیدی یونیفارم کی بجائے سول ملبوسات بھی فراہم کئے جائیں گے، دوسری جانب بنی گالہ سب جیل میں قید بشریٰ بی بی نے جیل حکام کو عیدالفطر کے موقع پر عمران خان سے ملاقات کی درخواست کی ہے جس پر جیل حکام اگلے 24 گھنٹوں میں فیصلہ کریں گے