عمران خان کی صحافی صدف نعیم کے گھر آمد

چیئرمین تحریک انصاف عمران خان تعزیت کے لیے صحافی صدف نعیم کے گھر پہنچ گئے۔ چیئرمین عمران خان آج لانگ مارچ شروع کرنے سے قبل گزشتہ روز حادثے میں جاں بحق ہونے والی خاتون رپورٹر صدف نعیم کے گھر تعزیت کے لیے پہنچے۔عمران خان نے صدف نعیم کے اہلخانہ سے تعزیت اور فاتحہ خوانی کی۔بعد ازاں عمران خان خاتون رپورٹر صدف نعیم کے گھر سے کامونکی کی جانب روانہ ہو گئے. پی ٹی آئی کا لانگ مارچ آج کامونکی سے موڑ ایمن آباد، گواجرانوالہ جائے گا۔واضح رہے پاکستان تحریک انصاف کے لانگ مارچ میں نجی ٹی وی کی خاتون رپورٹر صدف نعیم عمران خان کے کنٹینر کے نیچے آکر جاں بحق ہوگئی تھیں ۔