عمران خان کی نااہلی کے بعد سلام آباد میں سکیورٹی ہائی الرٹ کردی گئی

الیکشن کمیشن کی جانب سے عمران خان کی نااہلی کا فیصلہ آنے کے بعد اسلام آباد میں سکیورٹی ہائی الرٹ کردی گئی۔ریڈ زون میں پولیس، رینجرز اور ایف سی کی بھاری نفری تعینات کردی گئی۔اسلام آباد پولیس کا کہنا ہے کہ قانون کی خلاف ورزی کرنے والوں کے خلاف سخت ایکشن لیا جائے گا۔اسلام آباد پولیس کے مطابق اس وقت تمام راستے کھلے ہیں، آمد و رفت میں کوئی رکاوٹ نہیں، وفاقی پولیس نے فیض آباد پر نفری بڑھانے کی ہدایت بھی جاری کردیذرائع کے مطابق اسلام آباد پولیس کے تمام ایس ایچ او، ڈی ایس پی اور ایس پی فیلڈ میں موجود ہیں۔واضح رہے کہ دوپہر 2 بجے توشہ خانہ کیس کا فیصلہ سناتے ہوئے الیکشن کمیشن نے پاکستان تحریکِ انصاف (پی ٹی آئی) کے چیئرمین اور سابق وزیرِ اعظم عمران خان کو نااہل قرار دے دیا تھا