بھارتی سازش کے تحت ٹویٹر نے حکومت پاکستان کا اکاؤنٹ بلاک کر دیا

بھارتی خوشنودی کے لئے سماجی رابط کی ویب سائٹ ٹوئٹر نے پاکستانی حکومت کا اکاؤنٹ بلاک کر دیا۔ٹوئٹر انتظامیہ کے مطابق کمپنی نے عدالتی حکم پر حکومت پاکستان کے اکاؤنٹ کو بھارت میں بلاک کیا ہے۔ جاری کردہ نوٹس کے مطابق کمپنی کی گائیڈ لائنز اسے مستند لیگل ڈیمانڈ کے جواب میں اکاؤنٹ روکنے پر مجبور کرتی ہیں۔حکومت پاکستان کا اکاؤنٹ امریکہ، کینیڈا سمیت دیگر ممالک میں فعال ہے جبکہ بھارتی حکام کی جانب سے اس حوالے سے کوئی بیان سامنے نہیں آیا ہے۔