عمران خان سے کہتی ہوں کہ تمہاری بڑی مہربانی، مجھے میرا بیٹا واپس دے دو، والدہ ظل شاہ

پی ٹی آئی کارکن ظل شاہ کی والدہ نے علی بلال عرف ظل شاہ کی موت کے حقائق بیان کرتے ہوئے کہا ہے کہ تحریک انصاف میرے بیٹے ظلِ شاہ کی حفاظت میں ناکامی کی ذمے دار ہے،نجی ٹی وی کو دیئے گئے انٹرویو میں ظلِ شاہ کی والدہ نے کہا کہ ان کے بیٹے کو سازش سے قتل کیا گیا، یہ تحریک انصاف والوں نے کیا ہے، جب سے عمران خان کو گولی لگی ظلِ شاہ ہر وقت زمان پارک میں بیٹھا رہتا تھا، کہتا تھا عمران خان میرے ووٹ سے وزیراعظم بنے گا، انہوں نے کہا کہ یاسمین راشد ہمیں فون کرنے کے بجائے ظلِ شاہ کو اسپتال کیوں نہیں لے گئیں، عمران خان سے کہتی ہوں کہ تمہاری بڑی مہربانی، مجھے میرا بیٹا واپس دے دو۔دوسری جانب علی بلال عرف ظلِ شاہ کے والد نے پولیس کی تحقیقات پر اعتماد کا اظہار کردیا ہے۔بیٹے کی موت کے خلاف مقدمے کی درخواست میں نگراں وزیر اعلیٰ محسن نقوی اور آئی جی کے خلاف الزامات سے دست بردار ہوگئے۔آئی جی پنجاب ڈاکٹر عثمان انور نے ظلِ شاہ کے گھر جاکر غم زدہ خاندان سے تعزیت کی اور ظلِ شاہ کے والدین کو ہر ممکن تعاون کا یقین دلاتے ہوئے کہا تھا جب تک والدین مطمئن نہیں ہوں گے، مقدمے کا چالان نہیں جائے گا۔