لاہور میں پی ٹی آئی کی ریلی کے دوران پولیس کی شیلنگ سے پی ٹی آئی کا کارکن جاں بحق

لاہور میں تحریک انصاف کی ریلی میں پولیس اور کارکنوں کی مڈبھیر میں پاکستان تحریک انصاف کا کارکن جاں بحق ہو گیا۔پی ٹی آئی کارکن علی بلال محمدی پارک، جہانگیر ٹاؤن لاہور کا رہائشی تھا اور آج پی ٹی آئی کی ریلی میں شریک تھا، پولیس پر پتھراؤ اور پولیس کی جانب سے شیلنگ کے نتیجے میں زخمی ہو کر ہسپتال میں دم توڑ گیا۔

پاکستان تحریک انصاف کی سینئر رہنما مسرت جمشید چیمہ نے عوامی رابطے کی ویب سائٹ ٹوئٹر پر اپنے پیغام میں کہا کہ رانا ثنا اور محسن نقوی اپنے مشن میں کامیاب ہو گئے، انہوں نے ایک ماں سے ان کا بیٹا اور کسی بہن سے اس کا بھائی چھین لیا۔