awareinternational A Credible Source Of News
سابق وزیر اعلیٰ پنجاب چوہدری پرویز الٰہی کے سابق پرنسپل سیکرٹری محمد خان بھٹی اینٹی کرپشن نے عدالت میں پیش کردیا، عدالت نے 3 روزہ جسمانی ریمانڈ پر محمد خان بھٹی کو اینٹی کرپشن پولیس کے حوالے کر دیا۔ اینٹی کرپشن پولیس نے عدالت میں محمد خان بھٹی کے 5 روزہ جسمانی ریمانڈ کی استدعا کی تھی۔وکیل منظور وڑائچ نے کہا کہ اینٹی کریشن میں جو ایف آئی آر ہوتی ہے اس کی پہلے تحقیقات ہوتی ہیں بعد میں ایف آئی آر درج کی جاتی ہے، محمد خان بھٹی کے خلاف ایف آئی آر سیاسی بنیاد پر درج کی گئی ہے۔دوسری جانب محمد خان بھٹی اینٹی کرپشن کیس میں اہم پیشرفت سامنے آئی ہے، اینٹی کرپشن کی ایف آئی آر کے متن کے مطابق سابق وزیر اعلیٰ پنجاب پرویز الٰہی کے پرنسپل سیکرٹری پر RYK شوگر ملز میں 25 کروڑ کی انویسٹمنٹ کا الزام ہے۔عدالتی فیصلے کے متن کے مطابق محمد خان بھٹی نے اپنا سرکاری اثر و رسوخ استعمال کرتے ہوئے کاروباری شراکت کی، ذرائع کے مطابق RYK شوگر ملز مخدوم خسرو بختیار اور ان کے بھائیوں کی ہے۔وکیل منظور وڑائچ کے مطابق مقدمے میں چوہدری پرویز الٰہی مونس الہیٰ اور عمران خان کو شامل کیے جانے کا خدشہ ہے۔
