الیکشن کمیشن 30اپریل سے 7مئی کے درمیان انتخابات کرانے پر تیار، صدرمملکت کو چٹھی ارسال

پنجاب میں عام انتخابات کے لئےالیکشن کمیشن آف پاکستان نے 30اپریل اور 7مئی کے درمیان تاریخیں تجویز کردیں ہیں ۔الیکشن کمیشن کا اہم اجلاس چیف الیکشن کمشنر سکندر سلطان کی سربراہی میں ہوا ، الیکشن کمیشن کی جانب سے صدر مملکت کو چٹھی ارسال کردی گئی ،صوبہ پنجاب کے انتخابات کے انعقاد کے لئے مورخہ 30اپریل سے 7مئی 2023 تک کی تاریخیں تجویز کی ہیں۔صدر مملکت کی طرف سے تاریخ کے انتخاب کے بعد الیکشن کمیشن اپنے آئینی اور قانونی فرائض انجام دینے کے لئے تیار ہے ، الیکشن کمیشن نے گورنر خیبر پختونخوا کو بھی مراسلہ بھیج دیا ۔