کراچی: قومی اسمبلی کے ضمنی انتخابات میں امیدواروں کو انتخابی نشان الاٹ

قومی اسمبلی کی 9 نشستوں پر کراچی میں ضمنی انتخابات میں حصہ لینے والے پیپلز پارٹی کے تینوں امیدواروں کو الگ الگ حلقوں میں ایک جیسے انتخابی نشان الاٹ ہوئے ہیں، پیپلزپارٹی کےخواجہ سہیل منصور کو این اے 256 کی نشست پر تالا کا انتخابی نشان الاٹ ہوا، خواجہ سہیل منصور حال ہی میں پیپلز پارٹی میں شامل ہوئے ہیں۔اتحادی جماعتوں کے فیصلے کے تحت ایم کیو ایم، پیپلز پارٹی امیدواروں نے کاغذات نامزدگی واپس لیے، کراچی سے پیپلز پارٹی کے 3 امیدواروں نے کاغذات نامزدگی واپس نہیں لیے، پیپلز پارٹی کے کچھ رہنماؤں نے پارٹی فیصلے کے برخلاف الیکشن لڑنے کا فیصلہ کیا ہے۔ پیپلز پارٹی کے حاکم جسکانی کو این اے 242 پر تالا کا نشان الاٹ ہوا، پیپلز پارٹی کے فیضان راوت بھی این اے 254 سے امیدوار ہیں۔