نوازشریف، مریم نواز کے ہمراہ ایک ہفتہ دورے پرجیوا پہنچ گئے،اہم ملاقاتیں متوقع

مسلم لیگ ن کے قائد اور سابق وزیراعظم نواز شریف اور مریم نواز جنیوا روانہ ہو گئے، دونوں مسلم لیگ (ن) کے رہنما جنیوا میں تقریباً ایک ہفتہ قیام کریں گے۔سابق وزیر اعظم کی جنیوا میں معالج سے بھی ملاقات متوقع ہے، نواز شریف کے ساتھ خاندان کے مزید دو افراد بھی جنیوا گئے ان کی وہاں چند ذاتی ملاقاتیں بھی متوقع ہیں، وزیراعظم پاکستان شہباز شریف بھی اتوار کو جنیوا پہنچ رہے ہیں۔میاں نواز شریف اور شہباز شریف کی جنیوا میں ملاقات متوقع ہے، وزیراعظم پاکستان اقوام متحدہ کی ڈونر کانفرنس میں شرکت کیلئے جنیوا کا دورہ کریں گے، اقوام متحدہ کے زیراہتمام پاکستان ڈونرز کانفرنس 9 جنوری کو جنیوا میں ہو رہی ہے۔