صدر، ڈار متوقع ملاقات، عمران خان کوپارلیمنٹ واپسی کی دعوت دیئے جانےکاامکان

اتحادی حکومت کی جانب سے عمران خان کو مذاکرات کیلئے پارلیمنٹ میں واپسی کی دعوت دیئے جانے کا امکان ہے۔تحریک انصاف سے مذاکرات میں آصف زرداری اور اسحاق ڈار اہم کردار ادا کریں گے اور عمران خان کو غیر مشروط بات چیت کا پیغام بھجوایا جائے گا۔ اس حوالے سے وزیر اعظم شہبازشریف پارٹی مشاورت کے بعد اتحادی رہنمائوں سے مشاورت کریں گے۔ دوسری جانب چیئرمین تحریک انصاف عمران خان کی مذاکرات کی پیشکش کے بعد صدر مملکت عارف علوی اور وزیر خزانہ اسحاق ڈار کی ملاقات متوقع ہے کیونکہ صدر عارف علوی پی ڈی ایم کے ساتھ رابطے کا واحد ذریعہ ہیں۔دونوں رہنمائوں کے درمیان متوقع ملاقات مزید اہمیت اختیار کر گئی ہے جس میں انتخابات کی تاریخ کے فوری اعلان کے مطالبے پر نرمی زیر بحث آئے گی۔حکومت چاہتی ہے کہ سنجیدہ مذاکرات کیلئے تحریک انصاف کو شرائط کے بغیر ہاتھ بڑھانا ہوگا جبکہ اصلاحات کے بغیر الیکشن میں نہیں جایا جائے اس حوالے سے بیک ڈور چینل سے. مذاکرات جاری ہیں