راولپنڈی انتظامیہ نے پی ٹی آئی کو فیض آباد پر جلسے کی مشروط اجازت دے دی

راولپنڈی کے ڈپٹی کمشنر نے فیض آباد کے مقام پر پاکستان تحریکِ انصاف کو جلسے کی اجازت دے دی۔ضلعی انتظامیہ نے پی ٹی آئی کو جلسے کا اجازت نامہ 56 شرائط کے ساتھ جاری کر دیا۔اجازت نامے میں سب سے بڑی شرط فیض آباد کو 26 نومبر کی رات خالی کرنے کی عائد کی گئی ہےاجازت نامے کے اہم نکات درج ذیل ہیں:انگلینڈ کی کرکٹ ٹیم راولپنڈی کھیلنے کے لیے پہنچ رہی ہے۔راولپنڈی پولیس کو جلسے کے لیے تمام ضروری سیکیورٹی اقدامات کرنے کے احکامات دیے گئے ہیں۔چیئرمین پی ٹی آئی اور جلسے کی انتظامیہ کو ہدایت کی گئی ہے کہ سیکیورٹی اداروں کے طے شدہ راستے کو استعمال کریں ۔عمران خان جلسے سے پہلے اور جلسے کے بعد سن روف والی گاڑی استعمال نہیں کریں گے۔علامہ اقبال پارک کو کارکنان کے رکنے کے لیےاستعمال نہیں کیا جائے گا۔ریاست مخالف نعروں کی اجازت نہیں ہو گی۔ٹریفک پولیس کے جاری کردہ ٹریفک پلان پر عمل درآمد یقنی بنایا جائے گا۔کسی بھی جانی نقصان کی ذمے دار جلسے کی انتظامیہ ہو گی۔ڈرون کیمرے کے استعمال کی بالکل اجازت نہیں ہو گی انتظامیہ کی جانب سے اجازت نامے کی کاپیاں تمام متعلقہ اداروں کو بھجوا دی گئی ہیں