ایرانی سپیکر پارلیمنٹ کا ڈونلڈ ٹرمپ کے بیان پر ردِ عمل سامنے آگیا

ایرانی سپیکر پارلیمنٹ محمد باقر قالیباف کا امریکی صدر ڈونلڈ ٹرمپ کے بیان پر ردعمل سامنے آگیا۔ایرانی سپیکر پارلیمنٹ محمد باقر قالیباف نے کہا کہ ایران میں نہ کوئی شدت پسند ہے اور نہ ہی اعتدال پسند، ہم سب ایرانی اور انقلابی ہیں۔محمد باقر قالیباف نے کہا کہ ایرانی قوم اور حکومت آہنی یکجہتی کے ساتھ سپریم لیڈر کی اطاعت کرتے ہیں، ہم جارحانہ مجرم کو اس کے اعمال پر پشیمان کریں گے۔ایرانی سپیکر پارلیمنٹ نے کہا کہ ہمارا قومی بیانیہ ایک خدا، ایک رہنما، ایک قوم اور ایک راستہ ہے، یہ راستہ ایران کی فتح کا راستہ ہے، جو ہمیں جان سے بھی زیادہ عزیز ہے۔