یورپی یونین کا ایران کی پاسدارانِ انقلاب کو دہشتگرد تنظیموں کی فہرست میں شامل کرنے پر اتفاق

یورپی یونین نے ایران کی پاسدارانِ انقلاب کو دہشت گرد تنظیموں کی فہرست میں شامل کرنے پر اتفاق کیا ہے۔ برسلز سے خبر ایجنسی کے مطابق ای یو وزرائے خارجہ نے پاسدارانِ انقلاب کو دہشت گرد تنظیموں میں شامل کرنے کی منظوری دے دی۔ ای یو خارجہ پالیسی چیف کاجا کلاس نے کہا کہ ایرانی پاسدارانِ انقلاب کو دہشت گرد تنظیم قرار دینے کے حوالے سے فیصلہ کن پیش رفت کرلی ہے۔ایک بیان میں کاجا کلاس نے کہا کہ جبر کو جوابدہ کیے بغیر نہیں چھوڑا جا سکتا، جو حکومت اپنے ہزاروں لوگوں کو قتل کرتی ہے وہ اپنی تباہی کی طرف بڑھتی ہے۔دوسری جانب ایرانی وزیر خارجہ عباس عراقچی نے کہا ہے کہ یورپ ایرانی پاسداران انقلاب کو دہشت گرد تنظیم قرار دے کر بڑی اسٹریٹیجک غلطی کر رہا ہے۔