اپنےوالد ٹرمپ کی انتخابی مہم کاحصہ نہیں بنوں گی، ایوانکا ٹرمپ

امریکہ کے سابق صدر ڈونلڈ ٹرمپ کی بیٹی ایوانکا ٹرمپ نے والد کی الیکشن مہم کا حصہ بننے سے انکار کر دیا۔امریکا کے سابق صدر ڈونلڈ ٹرمپ نے 2024ء کے صدارتی انتخابات لڑنے کا اعلان کر دیا ہے اور صدارتی انتخابات لڑنے کے حوالے سے کاغذات نامزدگی بھی جمع کرا دیے ہیں۔کاغذات نامزدگی جمع کروانے کے وقت ڈونلڈ ٹرمپ کی بیٹی ایوانکا ٹرمپ موجود نہیں تھیںایک بیان میں ایوانکا ٹرمپ نے کہا کہ میرا سیاست میں آنے کا کوئی ارادہ نہیں ہے، میں اپنے والد سے بہت پیار کرتی ہوں لیکن اب میں نجی زندگی کو ترجیح دینے کا انتخاب کر رہی ہوں۔ایوانکا ٹرمپ کا کہنا ہے کہ سیاسی میدان سے باہر رہ کر میں ہمیشہ اپنے والد سے محبت اور ان کی حمایت کروں گی۔انہوں نے کہا کہ امریکی عوام کی خدمت کرنے کا موقع ملنے پر میرے لیے اعزاز کی بات ہے