پولیس کا 12 مقدمات میں عمران خان کا فرانزک کرانے کا فیصلہ، جج کا درخواست پر سماعت سے انکار

لاہور کی انسداد دہشت گردی عدالت میں بانی پی ٹی آئی عمران خان کے خلاف جلاؤ گھیراؤ کے بارہ مقدمات میں اہم پیشرفت ہوئی ہے، پولیس نے عمران خان کا ان بارہ مقدمات میں فرانزک کرانے کا فیصلہ کیا ہے۔تفتیشی افسران نے فرانزک کیلئے درخواست اے ٹی سی لاہور میں دائر کردی ہے۔تفتیشی افسران نے کہا کہ بانی پی ٹی آئی کا فوٹو گرامیٹک ٹیسٹ اور وائس میچ ٹیسٹ کروانا ہے۔جس پر اے ٹی سی جج نے تفتیشی افسران سے مکالمہ کرتے ہوئے کہا کہ میں ان درخواستوں پر سماعت نہیں کرسکتا، آپ کو مشورہ ہے کہ سپریم کورٹ چلے جائیں۔اے ٹی سی جج نے کہا کہ ایڈمن جج ستمبر میں آئیں گے یا پھر تب درخواستیں دائر کریں۔ جس کے بعد تفتیشی افسران عدالت سے واپس لوٹ گئے۔