حکومت کا قومی اسمبلی سے الیکشن ایکٹ ترمیمی بل کی منظوری لینے کا فیصلہ

حکومت نے قومی اسمبلی سے الیکشن ایکٹ ترمیمی بل 2024 کی منظوری لینے کا فیصلہ کرلیا۔قومی اسمبلی کا اجلاس اسپیکر سردار ایاز صادق کی زیرصدارت آج ساڑھے 11 بجے ہو گا، اجلاس میں الیکشن ایکٹ 2017 میں مزید ترمیم کا بل منظوری کے لیے پیش کیا جائے گا۔قومی اسمبلی اجلاس کے دوران پاسپورٹس کے اجرا میں غیرمعمولی تاخیر کی شکایات پر توجہ دلاؤ نوٹس بھی ایوان میں پیش کیا جائے گا۔اس کے علاوہ تیزاب سے جلاؤ کی روک تھام، منصفانہ اور جلد ٹرائل کو یقینی بنانے کے لیے بل پیش کیا جائے گا جبکہ قومی کمیشن برائے حقوق اطفال ترمیمی بل 2024 بھی قومی اسمبلی میں پیش کیا جائے گا۔