awareinternational A Credible Source Of News
لاہور میں موسلادھار بارش کا 44 سالہ ریکارڈ ٹوٹ گیا جس کے باعث نشیبی علاقے زیر آب آگئے، طوفانی بارش کے باعث لاہور میں رین ایمرجنسی نافذ کر دی گئی۔پنجاب کے دارالحکومت لاہور میں آج صبح سویرے سے مون سون بارش کا ہیوی سپیل جاری ہے۔لاہور میں تیز ہواؤں کے ساتھ شروع ہونے والی موسلادھار بارش سے نشیبی علاقے زیر آب آگئے، مال روڈ، فیروزپور روڈ، ماڈل ٹاؤن، فیصل ٹاؤن ، لکشمی چوک اور انارکلی سمیت دیگر علاقوں میں شدید بارش ہوئی۔لاہور میں سب سے زیادہ ایئرپورٹ پر 337 ملی میٹر بارش ریکارڈ کی گئی، پانی والا تالاب میں 203 جبکہ لکشمی چوک میں 191 ، اپرمال میں 182، مغلپورہ میں 173، تاجپورہ میں 180، نشترٹاؤن میں 227، چوک ناخدا میں 163 ملی میٹر بارش ہوئی۔شدید بارش سے شہر کے نشیبی علاقے اور اہم شاہراہیں ندی نالوں کا منظر پیش کرنے لگی ہیں، بارش سے نظام زندگی بھی مفلوج ہو کر رہ گیا ہے۔پنجاب کے دیگر شہروں گجرات، گوجرانوالہ، وزیرآباد سمیت کئی مقامات پر بھی موسلادھار بارش سے حبس کا زور ٹوٹ گیا۔بادل برسنے سے کئی شہروں میں متعدد فیڈر ٹرپ کر گئے جس کے باعث بجلی کی فراہمی متاثر ہونے سے شہریوں کو شدید مشکلات کا سامنا ہے۔دوسری جانب شہر قائد کراچی اور جڑواں شہروں سمیت مختلف شہروں میں کہیں ہلکی اور کہیں تیز بارش سے موسم خوشگوار ہوگیا۔کراچی میں رات گئے بارش سے نشیبی علاقے زیر آب آگئے، آئی آئی چندریگر روڈ، صدر، ایمپریس مارکیٹ اور پاسپورٹ آفس کے قریب بارش کا پانی جمع ہوگیا۔محکمہ موسمیات نے آج سے 6 اگست تک مون سون بارشیں جاری رہنے کی پیشگوئی کی ہے۔موسم کا احوال بتانے والوں کے مطابق اسلام آباد، پنجاب، سندھ، خیبر پختونخوا اور کشمیر میں بھی بارش کا امکان ہے، بلوچستان میں جمعہ اور گلگت بلتستان میں ہفتے کی رات سے بارشوں کی پیش گوئی کی گئی ہے۔
اور مذید بارش کی پیش گوئی کی گئی ہے، بارش کی وجہ سے سینکڑوں فیڈرز ٹریپ کرگئے جسکے بعد بجلی کئی گھنٹوں سے غائب ہے۔لاہور میں ریکارڈ توڑ بارش کے بعد “رین ایمرجنسی” نافذ کر دی گئی، لاہور کے سروسز اسپتال کی ایمرجنسی سمیت مختلف وارڈ میں پانی داخل ہونے پر انتہائی گھمبیر صورتحال پیدا ہو گئی ہے لاہور میں تمام سرکاری دفاتر میں چھٹی کر دی گئی ۔تمام دفاتر اور سکول بند کر دیے گئے ہیںابتک لاہور شہر کے علاقہ ائیر پورٹ روڈ میں 350 ملی میٹر بارش ریکارڈ کی جا چکی ہے جو گزشتہ 44 سال میں سب سے زیادہ ہے
Aware International © Copyright 2025, All Rights Reserved