ملک بھر میں آج سے، کراچی میں 8 جولائی سے موسلادھا بارش کی پیشگوئی

محکمہ موسمیات کی جانب سے ملک بھر میں آج سے 7 جولائی تک موسلادھار بارش کی پیش گوئی کی گئی ہے جبکہ کراچی میں 8 جولائی سے بارش کا امکان ہے۔اسلام آباد اور پنجاب کے مختلف شہروں میں بارش سے گرمی کا زور ٹوٹ گیا، بارش سے موسم رنگین اور گرمی کم ہوگئی جبکہ عوام نے خوشی کا اظہار کیا جبکہ پنجاب کے دیگر شہروں میں بھی بارش سے گرمی تو کم ہوگئی مگر حبس برقرار ہے۔اگلے 24 گھنٹوں کے دوران کن شہروں میں بارش ہوگی، محکمہ موسمیات نے بتادیااسلام آباد، راولپنڈی، مری، ایبٹ آباد، سوات، کشمیر اور ڈیرہ غازی خان میں بارش کے باعث پہاڑی ندی نالوں میں سیلابی صورتحال کا خطرہ ہے۔اس کے علاوہ لاہور، سیالکوٹ، فیصل آباد اور پشاور میں اربن فلڈنگ کا خدشہ ہے جبکہ خیبرپختونخوا کے پہاڑی علاقوں میں لینڈ سلائیڈنگ کا بھی خطرہ ہے۔دوسری جانب محکمہ موسمیات نے آج جمعے سے 7 جولائی تک مزید موسلادھار بارشوں کی نوید سنائی ہے تاہم سندھ اور بلوچستان کے بیشتر اضلاع میں موسم گرم اور مرطوب رہے گا۔محکمہ موسمیات کی جانب سے کراچی میں 8 جولائی سے بارش کا امکان ظاہر کیا گیا ہے۔