کندھ کوٹ میں پولیس موبائل کو حادثہ، 4 اہلکار جاں بحق

سندھ کے علاقے کندھ کوٹ میں پولیس موبائل کو حادثہ پیش آیا ہے، جس کے نتیجے میں 4 اہلکار جاں بحق اور 3 زخمی ہوگئے۔افسوس ناک حادثہ کندھ کوٹ میں مچھی بنڈو انڈس ہائی وے پر پیش آیا، جہاں پولیس موبائل ٹائر راڈ ٹوٹنے کے باعث الٹ کر کھائی میں جاگری۔حادثے میں موبائل میں سوار 4 پولیس اہلکار موقع پر ہی دم توڑ گئے جبکہ 3 زخمی ہوگئے۔افسوس ناک حادثے کی اطلاع پر پولیس اور ریسکیو ٹیمیں موقع پر پہنچ گئیں، لاشوں اور زخمیوں کو اسپتال منتقل کردیا گیا۔حادثے میں جاں بحق ہونے والے اہلکاروں میں محمد اسماعیل ، وفا حسین اور غلام حسین شامل ہیں۔