فیصل آباد، دوہرے قتل کا گواہ بھی قتل

فیصل آباد کے علاقے بٹالہ کالونی میں نامعلوم موٹر سائیکل سواروں نے دوہرے قتل کے گواہ کو فائرنگ کر کے ہلاک کر دیا اور فرار ہو گئے مقتول نے مقدمے میں گواہی کے لیے اج عدالت میں پیش ہونا تھا۔پولیس ذرائع کے مطابق بٹالہ کالونی کے علاقے میں نامعلوم موٹر سائیکل سواروں کی فائرنگ سے جاں بحق ہونے والے شخص کی شناخت فاروق کے نام سے ہوئی ہے۔ فاروق تھانہ کھرڑیانوالہ کے علاقے میں 2013 میں دوہرے قتل کی ایک مقدمہ میں گواہ تھا اور اس نے آج اس مقدمے مِیں گواہی کے لیے عدالت میں پیش ہونا تھا۔ اس سلسلسے میں وہ بٹالہ کالونی میں اپنے وکیل سے ملنے کے بعد جب واپس گھر جا رہا تھا تو راستے میں موٹر سائیکل سواروں نے اسے فائرنگ کر کے قتل کر دیا اور فرا ر ہو گئے پولیس نے مقتول کی لاش پوسٹمارٹم کے لیے اسپتال منتقل کر کے قانونی کاروائی شرو ع کر دی ہے