سینئر اداکار طلعت حسین انتقال کر گئے

پاکستانی ڈرامہ انڈسٹری کے سینئر اداکار طلعت حسین کے انتقال کی خبر نے مداحوں سمیت سوشل میڈیا صارفین کو بھی افسردہ کر دیا ہے۔صدر آرٹرس کونسل کے مطابق اداکار طویل عرصے سے بیماری میں مبتلا تھے۔ اداکار کراچی کے نجی اسپتال میں زیر علاج تھے۔پاکستانی ڈراموں میں بہترین اداکاری کے جوہر دکھانے والے طلعت حسین بھارتی شہر دہلی میں 1940 میں پیدا ہوئے تھے۔صدر آرٹس کونسل احمد شاہ کے مطابق اداکار کی بیٹی کی جانب سے فون کال کے ذریعے والد کے انتقال کی خبر دی گئی تھی۔احمد شاہ کا اداکار کی وفات پر کہنا تھا کہ طلعت حسین کا انتقال بڑا نقصان ہے۔