پنجاب کی عدلیہ میں بڑے پیمانے پر تبادلوں کا نوٹیفکیشن جاری

لاہور ہائیکورٹ نے ماتحت عدالتوں کے 367 ججز کے تبادلے کردیے جبکہ انسدادِ دہشت گردی کے جج اعجاز احمد بٹر کو او ایس ڈی کردیا گیا۔چیف جسٹس لاہور ہائیکورٹ جسٹس ملک شہزاد احمد خان نے ماتحت عدالتوں کے بڑے پیمانے پر تقرر تبادلے کردئیے، چیف جسٹس کی منظوری کے بعد رجسٹرار ہائیکورٹ نے نوٹیفکیشن جاری کردیا۔نوٹیفکیشن کے مطابق 191 ایڈیشنل سیشن ججز، 4 سینئر سول ججز جبکہ 171 سول ججز کے تبادلے کردیے گے۔ہائیکورٹ نے ٹرانسفر ہونے والے ججز کو 3 مئی تک متعلقہ ججز کو چارج سنبھالنے کی ہدایت کردی۔انسدادِ دہشت گردی عدالت سرگودھا کے جج اعجاز احمد بٹر کو لاہور ہائیکورٹ نے او ایس ڈی کرتے ہوئے سیشن کورٹ لاہور میں رپورٹ کرنے کی ہدایت کردی۔