زرداری نے ن لیگ کی حمایت کے بدلے بلاول کے لیے وزارت عظمیٰ مانگ لی

Share

پاکستان پیپلز پارٹی نے مسلم لیگ ق کے ساتھ حکومت بنانے کے لیے بڑی شرط رکھ دی ہے اور آصف زرداری نے بلاول بھٹو کے لیے وزارت عظمیٰ مانگ کرلی ہے۔ شہباز شریف سے آصف علی زرداری اور بلاول بھٹو نے جمعہ کی رات ملاقات کی اور مستقبل میں اتحادی حکومت بنانے پر گفتگو کی۔ اگلے روز نواز لیگ کے رہنمائوں نے وفاق اور پنجاب میں حکومت سازی کے لیے مختلف آپشنز پر غور کیا۔ اس حوالے سے نواز لیگ کی قیادت نے ہفتہ کو ایک اجلاس بھی منعقد کیا جس کی صدارت شہباز شریف نے کی تھی۔اس اجلاس میں سینیٹر اسحٰق ڈار، خواجہ سعد رفیق، سردار ایاز صادق، مریم اورنگزیب، ملک محمد احمد خان، سینیٹر اعظم نذیر تارڑ، عطااللہ تارڑ، خواجہ عمران نذیر اور دیگر نے شرکت کی۔ن لیگی ذرائع کے مطابق شہباز شریف نے اپنی پارٹی کے ارکان کو بتایا کہ سابق صدر آصف زرداری نے بات کا اغاز ہی بلاول بھٹو کو وزیراعظم بنانے اور مرکزی وزارتی پورٹ فولیوز دینے کے مطالبے سے کیا۔ شہباز شریف نے پارٹی رہنمائوں کو مزید بتایا کہ اس کے بدلے میں آصف علی زرداری نے نواز لیگ کو پنجاب میں حکومت سازی کے لیے حمایت دینے کی پیشکش کی۔ نواز لیگ کے صدر نے حکومت سازی کے متعدد آپشنز پر بھی گفتگو کی۔ یہ بھی زیر غور آیا کہ اگرچہ نواز لیگ ملک میں ’سب سے بڑی‘ سیاسی جماعت کی حیثیت سے سامنے آئی ہے لیکن یہ اب بھی اپنے تئیں حکومت نہیں بناسکتی اور اسے دیگر پارٹیوں یا آزاد ارکان کی ضرورت ہوگی، اس لیے پاکستان پیپلز پارٹی پنجاب میں ن لیگ کی حمایت کے بدلے بلاول بھٹو کے لیے وفاق میں وزارت عظمیٰ کی ڈیمانڈ کرتی ہے

Leave a Reply

Your email address will not be published. Required fields are marked *

Skip to toolbar