شعیب ملک پر بھارتی میڈیا نے فکسنگ کا الزام لگا دیا، بنگلہ دیشی فرنچائز نے تردید کر دی

پاکستان کرکٹ ٹیم کے سابق کپتان شعیب ملک پر بھارتی ذرائع ابلاغ نے میچ فکسنگ کا الزام لگا دیا ہے تاہم بنگلہ دیش پریمیئر لیگ کی فرنچائز نے الزامات کو مسترد کیا ہے۔بھارتی میڈیا نے دعویٰ کیا ہے کہ فکسنگ کی وجہ سے بنگلہ دیش پریمیئر لیگ کی فرنچائز باریشال فورچون کے ساتھ شعیب ملک کا کنٹریکٹ منسوخ ہوا۔تاہم باریشال فورچون فرنچائز کے ترجمان نے کہا ہے کہ شعیب ملک کی فکسنگ کے حوالے سے چلنے والی تمام خبریں بے بنیاد ہیں،شعیب ملک اچھے کرکٹر ہیں۔فرنچائز کے مالک میزان الرحمان نے کہاکہ شعیب ملک نے ہماری ٹیم کے لیے بہتر کھیل پیش کیا۔شعیب ملک پر فکسنگ کے الزماات ایک اوور میں تین نوبال کرانے پر لگائے گئے ہیں۔اطلاعات کے مطابق شعیب ملک کی دبئی روانگی بھی ان افواہوں کو تقویت دینے کا سبب سے بڑا مسئلہ بنی تاہم بریشال فارچون کے مالک میزان رحمن کہتے ہیں کہ شعیب ملک کے متعلق فکسنگ والی خبریں بے بنیاد ہیں. شعیب ملک بہت بڑے کھلاڑی ہیں ایسی من گھڑت باتوں پر یقین نہ کریں. شعیب ملک ذاتی مصروفیات کی وجہ سے دبئی گئے ہیں. شعیب ملک کی جب ضرورت ہوگی وہ ٹیم کو دستیاب ہونگے