میرا زریعہ معاش غیبی مدد ہے، مولانا فضل الرحمن کا انکشاف

جمعیت علمائے اسلام ف کے سربراہ مولانا فضل الرحمان نے اپنے زریعہ معاش اور اثاثوں کے حوالے سے انوکھا زریعہ معاش بتا کر سب کو حیران کر دیا، نجی ٹی وی کے پروگرام میں شرکت کے دوران میزبان نے مولانا فضل الرحمان کو کہا کہ ’آپ کے ماشاءاللہ بہت سے گھر ہیں، آپ کی جائیداد آپ کی زمینیں ہیں‘، جس پر انہوں نے فوراً جواب دیا کہ ’کوئی زمینیں نہیں ہیں، خاتون میزبان نے سوال داغا، ’تو ذریعہ معاش کیا ہے؟‘جواباً مولانا فضل الرحمان نے کہا کہ ’ذریعہ معاش اللہ کی طرف سے غیبی مدد ہے‘۔میزبان نے مسکراتے ہوئے کہا کہ ’میں بھی غیبی مدد کی دعا کرلوں پھر، جس پر مولانا فضل الرحمان نے سورۃ آل عمران کی آیت نمبر 37 ”وَاللّٰہُ یَرۡزُقُ مَنۡ یَّشَآءُ بِغَیۡرِ حِسَابٍ“ ( اور بیشک اللہ تعالٰی جسے چاہے بے شمار روزی دے) پڑھی اور ہنستے ہوئے بولے،’اگر وہ بے حساب دیتا ہے تو ہم کون ہوتے ہیں اس کا حساب کریں