مراد علی شاہ کے اثاثوں کی تفصیلات سامنے آگئیں

پاکستان پیپلزپارٹی کے رہنما و سابق وزیراعلیٰ سندھ مراد علی شاہ کے اثاثوں کی تفصیلات سامنے آگئیں۔دستاویز کے مطابق مراد علی شاہ کے رواں سال اثاثے 10کروڑ سے زائد کم ہوئے اور ان کے اثاثوں کی مالیت 24 کروڑ 75 لاکھ 88 ہزار 470 روپے ہے۔دستاویز میں بتایا گیا ہے کہ مراد علی شاہ کو ایک کروڑ 75 لاکھ روپے مالیت کے تحفے ملے،ان کے اثاثوں میں 51 ایکڑ زمین اور کراچی میں گھر شامل ہےدستاویز کے مطابق سابق وزیراعلیٰ سندھ کے پاس کراچی میں 16کروڑ 66 لاکھ کا پلاٹ بھی ہے، ایک کروڑ 42 لاکھ روپے کی 2 گاڑیاں بھی ہیں۔دستاویز میں بتایا گیا ہے کہ مراد علی شاہ کی اہلیہ کے پاس تحفے کا 100 تولہ سونا بھی ہے، مراد علی شاہ کے مختلف اکاؤنٹس میں 21 کروڑ 88 لاکھ 38 ہزار 470 روپے موجود ہیں جبکہ انہوں نے سال 2022-23 میں ایک کروڑ 22 لاکھ روپے سے زائد کا انکم ٹکیس ادا کیا.دستاویز کے مطابق مراد علی شاہ نے سال 2022-23 میں 80 لاکھ 45 ہزار روپے کا زرعی ٹیکس ادا کیا