عمران خان کا جرمانہ الیکشن کمیشن کو جمع کرادیا گیا

پاکستان تحریک انصاف (پی ٹی آئی) کے سابق چیئرمین عمران خان کا 2 لاکھ روپے جرمانہ الیکشن کمیشن کو جمع کردیا گیا۔گزشتہ روز الیکشن کمیشن کی جانب سے فہرست جاری کی گئی تھی کہ ماضی میں جلسے جلوس کے دوران الیکشن قواعد وضوابط کی خلاف ورزی پر کئی لوگوں پر جرمانہ عائد کیا گیا تھا لیکن 37 امیدواروں نے جمع نہیں کیا جس میں سابق چئیرمین پی ٹی آئی کا نام بھی شامل تھا۔سابق چیئرمین پی ٹی آئی عمران خان کے ذمے 2 لاکھ روپے کا جرمانہ بقایا تھا۔انصاف لائرز فورم نے عمران خان کا جرمانہ ادا کرکے چالان صوبائی الیکشن کمیشن میں جمع کردیا۔الیکشن کمیشن نے ریٹرننگ افسران (آر اوز) کو امیدواروں سے جرمانے وصولی کی ہدایات کی تھی جبکہ عدم ادائیگی پر کاغذات مسترد کرنے کا حکم بھی دیا گیا تھا