الیکشن کمیشن افسران کی عام تعطیل سمیت ہفتہ اور اتوار کی چھٹیاں منسوخ

الیکشن کمیشن نے افسران کی عام تعطیل سمیت ہفتہ اور اتوار کی چھٹیاں بھی منسوخ کردی ہیں۔چیف الیکشن کمشنر نے الیکشن کمیشن افسران کی 23 دسمبر کو چھٹی کرنے کے حوالے سے نوٹس لے لیا ہے، اور افسران کے لئے سرکلر جاری کردیا گیا ہے۔سرکلر کے مطابق الیکشن کمیشن افسران کی انتخابات تک پبلک ہولی ڈے سمیت ہفتہ اور اتوار کی چھٹیاں منسوخ کردی گئی ہیں۔چیف الیکشن کمشنر نے چھٹی کرنے والے افسران کو وارننگ دے دی ہے، اور سرکلر میں کہا گیا ہے کہ 19 گریڈ اور اس سے زیادہ گریڈ کے افسران اسٹیشن چھوڑنے سے پہلے اجازت لینے کے پابند ہوں گے۔