ن لیگ نے امیدواروں کو کاغذات نامزدگی جمع کرانے کی ہدایت کردی

پاکستان مسلم لیگ ن نے ملک بھر میں امیدواروں کو کاغذات نامزدگی جمع کرانے کی ہدایت کر دی۔پارٹی اعلامیے کے مطابق ن لیگ کے صدر شہباز شریف نے پارٹی ٹکٹ کے خواہش مندوں کو کاغذات جمع کرانے کی اجازت دی ہے۔اعلامیے میں کہا گیا ہے کہ ہر امیدوار کو 22 دسمبر تک پارٹی کے متعلقہ ضلعی صدر کو حلف نامہ جمع کرانا ہو گا۔مسلم لیگ ن کے اعلامیے میں یہ بھی کہا گیا ہے کہ پارٹی ٹکٹ جاری نہ ہونے پر امیدوار کاغذات نامزدگی واپس لیں گے، کاغذات واپس لینے والے پارٹی کے نامزد امیدوار کی حمایت کریں گے۔واضح رہے کہ الیکشن میں حصہ لینے کے لیے کاغذاتِ نامزدگی حاصل کرنے کا سلسلہ جاری ہے جبکہ کاغذاتِ نامزدگی وصول کرنے کا سلسلہ بھی شروع ہو گیا۔امیدوار آج 20 دسمبر سے 22 دسمبر تک کاغذاتِ نامزدگی جمع کروا سکتے ہیں، امیدواروں کی ابتدائی فہرست 23 دسمبر کو جاری ہو گی