ارشدشریف کو یواےای سےنکالنےکیلئےخط،دفتر خارجہ نےتردیدکردی

دفتر خارجہ کے ترجمان عاصم افتخار نےسلام آباد میں ہفتہ وار پریس بریفنگ کے دیتے ہوئے واضح کردیا کہ پاکستان نے ارشد شریف کو متحدہ عرب امارات سے نکالنے کیلئے کوئی خط نہیں لکھا۔

ترجمان دفتر خارجہ نے ارشد شریف کا قتل انتہائی افسوسناک اور قابل مذمت قرار دیا کہا پاکستان اور کینیا کے درمیان باہمی قانونی تعاون کا معاہدہ موجود نہیں لیکن پھر بھی تحقیقات کیلئے مسلسل رابطہ ہے۔انہوں نے مزید کہا کہ کینیا میں موجود پاکستانی انکوائری کمیٹی سے ہائی کمیشن مکمل تعاون کررہا ہے۔ انہوں نے حساس معاملے پر تبصرے کرنے والوں کو احتیاط برتنے کا مشورہ بھی دے دیا۔

ترجمان دفتر خارجہ عاصم افتخار نے آل پارٹیز حریت کانفرنس کے ہیڈ کوارٹرز پر حملے کی شدید مذمت بھی کی اور اصولی مؤقف دہرایا کہ کشمیر پر بھارت کی پوزیشن غیر قانونی اور ناجائز ہے۔فیٹف کے حوالے سے ترجمان دفترخارجہ نے کہا پاکستان کے گرے لسٹ سے نکلنے کی مخالفت کرکے بھارت ایف اے ٹی ایف میں تنہا رہ گیا۔عاصم افتخار نے مذید بتایا کہ وزیر اعظم شہباز شریف اور وزیر خارجہ بلاول بھٹو زرداری یکم نومبر کو سرکاری دورے پر چین جائیں گے۔