خیبر پختونخوا میں بارش ہوسکتی ہے، محکمہ موسمیات کی پیشگوئی

محکمہ موسمیات نے خیبر پختونخوا کے مختلف شہروں میں آج بادل برسنے کی پیشگوئی کردی۔محکمہ موسمیات کے مطابق صوبے کے بیشتر اضلاع میں موسم سرد اور خشک رہے گا جب کہ ایبٹ آباد، مانسہرہ، بٹگرام، نوشہرہ، پشاور اور خیبر کے بعض مقامات میں بارش متوقع ہے۔اس کے علاوہ زیادہ تر علاقوں میں صبح اور شام کے اوقات میں شدید دھند رہنے کا بھی امکان ہے۔گزشتہ روز کالام کا کم سے کم درجہ حرارت منفی 1 ڈگری سینٹی گریڈ، دیر کا 1، چترال 2، مالم جبہ 4 اور پشاور میں کم از کم درجہ حرارت 6 ڈگری سینٹی گریڈ ریکارڈ کیا گیا تھا۔