امریکی ڈالر کو پھر پر لگ گئے، ڈالر کی قدر میں اضافہ

امریکی ڈالر 2 روز نیچے آنے کے بعد آج پھر اضافہ دیکھنے میں آیا ہے جبکہ پاکستانی روپیہ تنزلی کا شکار ہے۔آج صبح کاروبار کے آغاز میں انٹر بینک میں ڈالر مہنگا ہوا ہے۔انٹر بینک میں ڈالر 17 پیسے مہنگا ہونے کے بعد 219 روپے 90 پیسے کا ہو گیا ہے۔گزشتہ روز انٹر بینک میں ڈالر 219 روپے 73 پیسے پر بند ہوا تھا۔ادھر اوپن مارکیٹ میں ڈالر 80 پیسے مہنگا ہونے کے بعد 223 روپے 70 پیسے کا ہو گیا ہے۔گزشتہ روز اوپن مارکیٹ میں 1 ڈالر 222 روپے 90 پیسے کا تھادوسری جانب پاکستان اسٹاک ایکسچینج میں بھی آج کاروبار کے آغاز میں منفی رجحان دیکھنے میں آیا ہے۔پاکستان اسٹاک ایکسچینج کا 100 انڈیکس 442 پوائنٹس کم ہونے کے بعد 41 ہزار 747 پر آ گیا ہے۔