اوشین گیٹ کا دوباہ زیر سمندر آبدوز بھیجنے کا اعلان ،مسافروں کے لیے اشتہار بھی دے دیا

اوشین گیٹ کمپنی نے ایک مرتبہ پھر زیر سمندر جانے کے خواہش مند سیاحوں کے لیے سفر شروع کرنے کا اعلان کردیا ہے۔امریکی جریدے نیویارک پوسٹ کے مطابق اوشین گیٹ ایکسپی ڈیشنز نے ٹائی ٹینک کی باقیات دیکھنے کے خواہش مندوں کے لیے ڈھائی لاکھ ڈالرز کا سیاحتی سفر کرانے کا اشتہار دے دیا ہے۔واضح رہے کہ ٹائی ٹینک جہاز کا ملبہ دکھانے کے لیے جانے والی سیاحوں کی آبدوز 18 جون کو بحر اوقیانوس میں اپنا سفر شروع کرنے کے صرف دو گھنٹے بعد ہی لاپتہ ہو گئی تھی۔

لاپتہ ہونے والی آبدوز پر دو پاکستانی نژاد باپ بیٹا سمیت پانچ افراد سوار تھے جن کی اموات کا اعلان چند روز قبل کیا گیا ہے۔لاپتہ ہونے والی آبدوز کا مبلہ گزشتہ روز ہی بحر اوقیانوس سے نکال کر کینیڈا کے جزیرے نیوفاؤنڈ لینڈ اسی جگہ پہنچا دیا گیا ہے جہاں سے بدقسمت آبدوز نے اپنا سفر شروع کیا تھا۔لاپتہ ہونے والی آبدوز کے ملبے کے ساتھ انسانی باقیات کی برآمدگی کا بھی دعویٰ گزشتہ روز سامنے آیا ہے

تاہم ماہرین اس حوالے سے تفتیش و تحقیق کر رہے ہیں۔اوشن گیٹ کو خطرات سے خبردار کیا تھا، میڈیا رپورٹ کے مطابق یہ امر حیرت انگیز ہی کہلائے گا کہ جب ابھی تک تباہ ہونے والی آبدوز کے حوالے سے تحقیقات مکمل نہیں ہوئی ہیں اور وجوہات سامنے نہیں آئی ہیں تو کیونکر ایک اور سفر شروع کرنے کا اعلان کردیا گیا ہے۔